Para acadar un curso dun nivel extraordinario, o Galaico Brass Festival presenta un profesorado na súa maioría inédito en Galicia e na Península Ibérica, que ofrecerá ao alumnado unha experiencia pedagóxica, de 5 días, única e inexplorada na nosa rexión.
O curso de música contará con clases individuais de instrumento a todo o alumnado, seminarios de disciplinas moi diferenciadas e moi novidosas e diferentes talleres e masterclasses: improvisación, conxunto e música de cámara, técnicas de estudo, preparación mental para audicións ou técnicas de relaxación e visualización a través do ioga.
