Foi nomeado trompeta principal da Chicago Symphony Orchestra en2019 polo seu director musical Riccardo Muti. Anteriormente foi trompeta principal en Hong Kong Philarmonic Orchestra e da Orquestra Ciudad de Granada. Tamén participou como trompeta principal convidado na Real Orquesta Sinfónica de Sevilla ou na Orchestra del Teatro alla Scala, entre outras. Actualmente, compaxina o seu traballo de trompeta solista co de pedagogo en diferentes universidades de todo o mundo.

Brian Wendel é sen dúbida un dos trombonistas máis importantes da actualidade. A pesar da súa xuventude,, acumula unha amplia experiencia profesional en orquestras como Vancouver Symphony Orchestra (VSO), Seattle Symphony, Philadelphia Orchestra, New York Philharmonic e New York Philharmonic Brass Ensemble, ademáis de Cleveland Orchestra onde é trombón solista. Wendel é discípulo de Joseph Alessi en The Juilliard School e un apaixoado da ensinanza desempeñando a súa labor como profesor na University of British Columbia (UBC) e impartindo masterclass por todo o mundo.

László vén dunha familia de músicos, onde o seu pai e o seu avó tocaban a trompeta. El decidiu tocar a trompa e chegou a Berlín no 2015 para estudar na University of the Arts con Christian Friedrich. Posteriormente, foi academista na orquestra Staatskapelle de Berlin.

No ano 2022, László acadou a praza de trompa na Berliner Philarmoniker.

Mauro Martins é un mozo bombardinista de Portugal. Primeiro atopou a súa paixón pola música tocando en Bandas Sinfónicas e aos 15 anos ingresou na EPABI – Escola Profesional de Artes de Covilhã, onde estudou bombardino cos profesores Nuno Machado, Ricardo Antão e Luís Oliveira, entre outros. De seguido estudou con Sérgio Carolino e Ricardo Antão na Escola de Música e Artes Escénicas (ESMAE) de Oporto.

Na actualidade, actúa como solista e imparte clases por todo o mundo.

David Griffin é membro da Orquestra Sinfónica de Chicago. Ao graduarse na Universidade Northwestern en 1987, Griffin comenzou a súa carreira coa Filharmónica de Rochester e posteriormente nas orquestras de Montreal e Houston antes de unirse á Sinfónica de Chicago en 1995.

Griffin foi trompa principal invitada da Filharmónica de Los Ángeles, Saint Louis, Orquestra de Cámara de Saint Paul e Orquestra da Radio de Shanghai. En setembro do 2017, Griffin viaxou a Xapón para unha xira en solitario, realizando recitais en Tokio, Nagasaki e Osaka.

É o trombón principal da Orquestra Sinfónica de Chicago. Michael Mulcahy traballa por todo o mundo como solista, director e profesor.

Sir Georg Solti nomeouno membro da CSO en 1989 e anteriormente foi trombonista principal das orquestras sinfónicas de Tasmania e
Melbourne e trombonista solista da Orquestra Sinfónica da Radio de Colonia.

John Hagstrom uniuse á sección de trompetas da Orquestra Sinfónica de Chicago en 1996. Un ano despois gañou o posto de segunda trompeta da Orquestra, continuando coa tradición de traballo en equipo na sección de metais pola que a CSO é famosa.

Anteriormente foi trompeta solista da Orquestra Sinfónica de Wichita en Kansas e exerceu tamén como profesor asistente de trompeta na Universidade Estatal de Wichita.

Gene Pokorny é tuba principal da Orquestra Sinfónica de Chicago dende 1989. Tamén ocupou postos de tuba principal na Orquestra Filharmónica de Israel, na Sinfónica de Utah, na Orquestra Sinfónica de St. Louis e na Filharmónica de Los Ángeles.

Mentres estivo en Los Ángeles, tocou nas gravacións das bandas sonoras de Jurassic Park, The Fugitive e outras moitas películas.

Natural de Chelva (España), Jose Martínez é tuba da Orquestra Nacional de España, cofundador de Duo2Arts, mentor na Fundación “la Caixa”, e embaixador de Chicago Luminarts Cultural Foundation.

Jose foi membro de Civic Orchestra of Chicago e colaborador de Boston Symphony e Boston Pops, Chicago Symphony, Gothenburg Symphony, Mahler Chamber Orchestra, Malaysian Philharmonic, Minnesota Orchestra, New York Philharmonic, Orchestre da Suisse Romande, Porto Symphony, Qatar Philharmonic, Saint Louis Symphony, Seattle Symphony, Orquesta e Filarmónica do Teatro alla Scala.

Estudou na Facultade de Música de Karlsruhe con Reinhold Friedrich. Ten un repertorio que abarca dende a música barroca até a música moderna e o jazz.

Gañou numerosos premios, incluído o primeiro premio no Concurso Internacional Maurice André e o primeiro premio no ”Prague Spring International Music Competition. Ex solista da NDR Elbphilharmonie Orchester. Estrenou moitas obras do compositor xaponés Toshio Hosokawa, incluíndo “Kiri-no Naka-de”, que gañou o Premio Otaka.

Desde 2008, é profesor na Facultade de Música
de Hanover.

Anna Ferriol (Girona) é trompa da Swedish Radio Symphony Orchestra. Dende 2017 actuou como invitada en numerosas orquestras, entre elas a Orquestra de Cámara Sueca, a Orquestra Filharmónica Real, a Orquestra Filharmónica de Oslo, a Orquestra de Cámara Mahler e a Royal Opera House (Capilla da Corte).

Ademais de tocar, Anna é actualmente profesora de trompa en Lilla Akademien en Estocolmo e impartiu clases maxistrais na ESMUC, no Conservatorio Real de Birmingham e no Conservatorio Real de Escocia. 

A trombonista sueco-suiza Louise Pollock foi nomeada profesora de trombón na Hochschule für Musik Hanns Eisler Berlin sucedendo a Christhard Gössling e a Olaf Ott.

Louise Pollock foi trombonista principal na Ópera de Gotemburgo desde 2015 até 2023 e, ao mesmo tempo, dirixiu a clase de trombón na Academia de Música e Drama da Universidade de Gotemburgo.

Anteriormente, traballou durante tres anos coa Orquestra Filharmónica de Stuttgart. Actuou como solista coa Orquestra Sinfónica de Düsseldorf, o Bjergsted Blåsensemble, a Ópera de Gotemburgo e a Filharmónica de Duisburg, entre outras.

Adam Rapa é un trompetista, compositor, arreglista e educador estadounidense. Falamos dun músico polivalente que se expresa tanto no ámbito do jazz, o funk ou o pop como na música clásica e contemporánea. Rapa naceu e foi criado en Boston, Massachusetts. Comenzou a estudar trompeta aos 11 anos e con tan só 18 anos, foi convidado a tocar a clubes de jazz de Boston, New York e a numerosos festivais de jazz dos EEUU e festivais como o Festival de Jazz de Viena ou o Festival de Jazz Riverboat, entre outros. Adam Rapa realiza concertos por todo o mundo, decotío como solista ou acompañado por unha banda de jazz. Ademais exerce como profesor de clases maxistrais, exposicións ou clases universitarias.